الحلقة الثالثة
م/ 1 ن/ د
الحضانة
هدى فى الهول تستقبل الأطفال القادمون
وأغلبهم فى حالة كسل صباحي ..
ويصل الضيف الجديد زياد ..
طفل جميل تبدو على ملامحه الوداعة والبراءة
ويبدأ اليوم فى هدوء نسبى
بعد قليل يصل المعلم الجديد هاني وهو معلم الموسيقى
ترحب به هدى
ويلتقي بالا طفال المتواجد
قطع
م/ 2 ن/ د
الحضانة
حجرة الألعاب حيث يلتقي هاني بجزء من الأطفال
وهم الأكبر سنا . ولزرع روح الألفة
يغنى أغنية خفيفة جميلة تجذب انتباه الأطفال
ويندمج الجميع معه فى الأغنية يشعر الأطفال بالرضا
وتقبل الجو العام
يشعر هاني بالارتياح لتقبل الأطفال له..
قطع
م/ 3
حجرة المكتب
حنين تتحدث الى والدة الطفل الجديد
زياد حنين : يعنى حضرتك هتاخدى زياد الساعة خمسة ؟؟
الام : بالظبط ..يعنى اربعة ونص خمسة بالكتير
حنين : احنا اخر معاد لينا الساعة اربعة .. لكن ممكن حد
مننا يفضل مع زياد لحد ما توصلى ..
بامتنان الام : ميرسى جدا ياميس .. انا عارفة انه تعب عليكو
بابتسامة رضا حنين : ابدا دول اولادنا
تودعها وهى تشكرها . وحنين تطمئنها على
الطفل زياد ..
قطع
م / 4
حجرة الالعاب
هانى مستمر فى تعليم الاولاد الغناء وهم يستجيبون له
عدا الطفل الجديد زياد .. واضح انه غير منسجم
يذهب اليه هانى هانى : مالك ياجميل مش عاجباك الاغنية
بعصبية زياد : لأ مش عاجبانى ..
هانى : طيب تحب أغنى أغنية ايه ؟؟ والا تغنى انت ؟؟
يدفعه الطفل بعصبية وثورة زياد : مش عايز .. حرام حرام .. الاغانى كلها حرام
يندهش هانى من صرف الطفل
وزملاء ه منتبهين غير فاهمين
تسأل بسنت بسنت : يعنى ايه حرام يا مستر ؟
تجيبها سلمى على الفور سلمى : يعنى حاجة وحشة .. ربنا مش بيحبها
ينظر الاطفال الى بعضهم محملقين فى دهشة
يشعر هانى بالحيرة فخبرته مع الاطفال قليلة
يطلب منهم الهدوء . ويخرج مرسلا منى
لتواجه الموقف مع الاطفال بخبرتها .
قطع
م/ 5
فى الحجرة المجاورة
مشاجرة طريفة بين أروى وميزو
ميزو مغرم بأروى ودائما ما يطاردها
ميتو تحب مراقبة المواقف والتعليق عليها
ميزو يحاول ان يشارك اروى فى المائدة
لكنها ترفض لكونه دخيل على شلة البنات
تحاول هدى فض المنازعة .
ميتو تنظر اليهم وهى تضحك ببراءة ميتو : ههههه.. ميزو بيعيط هههههههههههه
يغتاظ منها ميزو فيدفعها فى صدرها
فتسقط للخلف فوق الاميرة النائمة دائما هايدى
التى تثور وتغضب هايدى : انتى ايه ؟؟؟ مش عندك تفكرى ؟؟
كنت هتفطسى ايدى (هايدى) .. انتى مش كويسة
ميتو تنظر اليها محملقة غير مستوعبة الكلام
اروى تتابع الموقف وميزو يحملق بلا فهم
هدى تعود لفض المشكلة من جديد
تعود ها يدى الى النوم مغطية نفسها ببطانيتها
الصغيرة .. وتنام على الوسادة الموجودة على
الارض .. وهدى تهدئها .
ميزو يسرح خلف اروى ..
ميتو واجمة لا تعرف ماذا تفعل تظل واقفة فى صمت
قطع
م/6
الحجرة الاخرى
منى تتحدث الى الاطفال
منى : عارفين يا حبايبى الحلوين .. انا النهاردة عايزة
اسمع منكو يعنى ايه كلمة حرام ..؟؟
جميعهم يرفعون ايديهم عدا زياد
منى : زيزو يقول ..
يهرش زيزو فى رأسه قليلا زيزو : يعنى الحاجة اللى ربنا مش بيحبها
تبتسم له منى : كويس ..مين تانى ؟؟
ينظر اليها زياد نظرة غل وغضب
وهى تنظر اليهم جميعا وتدير بصرها
مبتسمة . تشجعهم على المبادرة
حين يصفع امير زياد صفعة قوية
يسمعها الجميع ويبكى زياد
تدركه منى وتحاول تهدئته منى : ايه ده يا ادهم ..زياد اخوك الصغير وعيب تضربه
فى احساس بالذنب ادهم : هو قالى يا ميس ان ربنا هيوديك النار
عشان كنت بغنى
تربت على شعره وتجلسه وتصحب زياد الباكى
معها .. فى نفس لحظة خروجها يدخل هانى ليكمل
عمله ويلاحظ انها تصحب زياد
ويفرح الاطفال بعودة هانى
صوت الجميع : هيه..هيه
قطع
م/7
منى فى المكتب وحنين والطفل زياد بعدما انتهت نوبة
البكاء ..وكلا منهما تربتان عليه وتحتويانه ..
منى : خلاص بقى يازياد ياحبيبى ..امير اخوك وهيصالحك
بس انا عايزة اتكلم معاك شوية ..ممكن؟؟
يهز رأسه موافقا
تكمل كلامها وهى تنظر الى حنين منى : قولى بقى مين قالك ان الغنا حرام ..؟
براءة الاطفال زياد : بابا ..هو بيقول ان الاغانى حرام وان اللى بيغنى بيروح
النار وكمان اللى بيتفرج على التليفزيون وعلى سبيس تون
حنين : طب يازياد ممكن ماما حنين تقولك رأيها؟
يهز رأسه وبريق البراءة فى عينيه
حنين : شوف يا زياد ..ربنا خلق كل حاجة كويسة بس احنا
مش نخليها حاجة وحشة ..يعنى لما نغنى ونقول
كلام جميل يفرحنا يبقى مش حاجة وحشة ..ولما
نتفرج على التليفزيون مش لازم نتفرج على
حاجة مش كويسة .. ربنا بيحبنا وانت لسة
صغير ..مش هيعذبك ولا هتروح النار ..ربنا
بيحبك وبيحبنا كلنا
يقاطعها زياد : لكن بابا بيضربنى لو غنيت أو فتحت التليفزيون
تصدمهما كلمات الطفل فتنظران الى بعضيهما
فى صمت
حنين تطلب الى منى ان تصحب زياد الى
الحديقة
منى : تعالى يا حبيبى .. نخرج نتكلم سوا فى الجنينة
وتصحبه منصرفة
قطع
م/ 8
حجرة الالعاب
هانى يغنى مع الاطفال اغنية جميلة ينسجم
معه الاطفال وهم فرحون
قطع
م/ 9
المكتب
حنين تتحدث الى انتظام فى الهاتف
حنين : اه.. من بكرة يا ميس انتظام .
: .......................................................
حنين : فعلا فى اكتر من حاجة .. وانا شايفة ان ده وقت مناسب
: .........................................................
حنين : ميرسى جدا . هاستناك بكرة
تغلق الهاتف الذى يرن من جديد
حنين : ايوه ..اهلا بحضرتك ..ايوة انا المديرة
: .......................................................
حنين : انا اللى اتشرفت .. والله حاليا لسة مش بنقدم الخدمة دى
لكن قريب انشألله ..ايه ؟؟
: ..........................................................
حنين : طيب يا فندم ممكن اخد رقم حضرتك واشوف واكلمك
وتسجل الرقم على ورقة امامها اه ..اه ..اوكيه . تحت امرك . مع السلامة
وتغلق السماعة
وتنهض من خلف المكتب
قطع
م/ 10
الفصل الاخر
الطبيب يجرى فحصا على الاطفال
اروى اولهم والطبيب يداعبها وهى تبتسم
ثم ميتو والاء وميزو وسوسو وتامى او تامر
ويأتى دور هدى التى ترفض ان تنهض عن
الارض
والخروج من تحت البطانية .. وعبثا تفشل
محاولات هدى والطبيب ..
فجأة يخطف ميزو البطانية فتنفجر هايدى فى
صراخ هيستيرى.. وهو يهرب .. فتقبض عليه
اروى
وتصحبه من قفاه ليعيد البطانية الى هايدى
ولكن هايدى مستمرة فى الصراخ بهستيريا
شديدة
فتأتى الاء برشاش الماء وترش وجهها فتسكت
فجأة
كأنها لم تكن تبكى او تصرخ .. وتنام على الارض
مرة اخرى وتغطى نفسها ..
هدى والطبيب يراقبان الموقف حتى نهايته محاولين
تفسير الحالة .
قطع
م/ 11
زيزو يتسلل من سلم الفيلا هابطا
مرتديا المايوه وقناع الغطس الذي يحبه جدا
ويتوجه الى الحديقة الخلفية فى صمت
قطع
م/ 12
حمام السباحة المطاطى ممتلأ
وزيزو يتوق الى تجربة قناع الغطس
ويتسلل الى الحوض وهو ليس عميقا او يشكل خطورة
يتسلل خلفه ادهم ..دون ان يراهما احد
ويهبطان الى الحوض ويبدأ زيزو فى تجربة ادوات الغطس
ولا ينتبهان الى سلمى وميزو ..اللذان يعبثان فى مفاتيح
صرف المياه ويهربان ..
وخلال دقائق يلتصق وجه زيزو بالقاع نتيجة افراغ الحوض
ليصدم فى اول تجربة لادوات الغطس
قطع
م/ 13
اليوم يبدأ فى الانتهاء والعفاريت الصغار ينصرفون
تباعا ..وقبل ان ينصرف المدرسون تجتمع بهم حنين
حنين : مش هاعطلكم كتير .. بس عندى طلبات كتير للبيبى
سيتر وعيزة رأيكم .
منى : هى حاجة كويسة جدا لسمعة الحضانة .. بس انا
للاسف مش هانفع حضرتك عارفة ..
هدى : ولا انا حضرتك عارفة ظروف والدتى
هانى صامت لا يعلق
ينظرن اليه جميعا
يرتبك هانى : ايه ...؟ مالكو باصنلى كدة ليه ...؟!
يبتسمن جميعا
يزداد حيرة هانى : لأ مستحيل طبعا . انا ما عرفش حاجة عن الموضوع ده
وكمان انا .. انا راجل
الثلاثة يهززن رأسهن من اعلى اسفل فى
وقت واحد .. وهن ينظرن اليه نظرة تصميم
هانى : مش هيحصل طبعا .. انتو مجانين
حنين : مش هنضغط عليك هنساعدك .. وانا واثقة انك هتنجح
ركز بس وهتتوفق .. ودى هتكون فكرة جديدة لل abc
يصمت هانى مستسلما على امل ان يكن يمازحنه
قطع
م/ 14
انتهى اليوم
وبقيت حنين مع زياد فى انتظار والدته
التى تصل فى الخامسة تقريبا .
وتقابلها حنين حنين : اهلا مدام .. يالا يا عم ماما وصلت
الام : متشكرة جدا .. تعبتك يا ميس حنين
حنين : مافيش تعب ولا حاجة .. بس ممكن حضرتك تيجى
بكرة بدرى
نص ساعة ! محتاجة اتكلم معاكى شوية.. ممكن ؟
تهز رأسها فى توتر الام : اه.. طبعا .. ممكن .. سلامو عليكو
حنين : وعليكم السلام .. باباى زياد .. هتوحشنى
وتودعه بيدها وهويلوح لها مودعا
يدخل عليها زيزو وهو مبلول تمام بالمايوه و
قناع الغطس فتصرخ مخضوضة .. فقد افزعها
بشكله الغريب فتركض وراءه وهو يهرب مسرعا
قطع
ليست هناك تعليقات:
إرسال تعليق