الحلقة الثانية
م/1 ن/د
شقة حنين وعمرو فى الصباح
الهول أو الليفينج روم
المكان خالى
تخرج حنين من حجرة النوم وهى تتحدث الى
عمرو الذى يخرج وراءها وهو يكمل ا رتداء ملابسه
حنين : انت لازم تحط حد لتصرفات ولادك .. انا قربت اتجنن منهم
وهو يبتسم فى هدوء وهى تبدأ فى اعداد الافطار
عمرو : هو انا باقعد معاهم قدك ..ان اللى لازم تتعاملى معاهم
حنين : ياعمرو الزباين بتطفش قبل ما تقدم لولادها بسبب العيال
وشقاوتهم .
وهو يضحك متذكرا تصرفات اروى وزيزو
عمرو : دلوقت يهدو اصبرى شويه الموضوع جديد عليهم و
هياخدو على الوضع .
وهى تضع الافطار على المائدة حنين : يالا يا ولاد ..الفطار يا اروى .الفطار يازيزو
يظهر زيزو وهو متكاسلا ويتوجه نحو
الحمام
ينظران اليه مبتسمين .. لحظة وتخرج اروى متذمرة
وتتوجه نحوحنين حنين : مالك ؟؟ قايمة ضاربة بوز كدة ليه
بانفعال طفولى اروى : زيزو بيضايقنى يامامى وبيقولى انت سهنة
تضحك حنين ويسأل عمرو اروى عمرو : يعنى ايه سهنة ؟؟ تعرفى معناها
تهز رأسه وتمط شفتيها فى نفى
حين يصل زيزو والفوطة تلف وجهه ورأسه
ويصل الى مقعده ويتناول كوب اللبن كاملا فى
صمت والثلاثة ينظرون اليه فى صمت
يبدأ فى تناول افطاره وهم يراقبونه فى صمت
واخيرا ينتبه الى انه الوحيد الذى يأكل
فينظر اليهم فى تسأؤل واخيرا ينطق زيزو : ايه .. مالكو فيه ايه ؟؟ مش بتاكلو ليه
حنين : يعنى زيزو حبيبى قام ودخل الحمام واتشطف وجه يفطر
ومزعل اخته حبيبته .. وقعد ياكل بالهنا والشفا
كل كل ده من غير صباح الخير يا بابى ولا صباح الخير يا مامى
وتوتة زعلانه منك وانت مش صالحتها .. ايه رايك ؟؟
يكمل عمرو عمرو : الانسة بنتنا قايمة زعلانة ومكشرة مافيش صباح الخير يا مامى
ولا صباح الخير يا بابى ..
ينظر زيزو وأروى الى بعضيهما بخجل
ثم الى الاسف زيزو وأروى : اسفين يابابى ..اسفين يامامى .. صباح الخير
يبتسم لهما عمرو ويتناولون الافطار
قطع
م/2 ن/ د
الحضانة
كلاس ميس هدى
بالطبع الحضانة زاد بها العدد واصبحت تعمل
بشكل جيد
هدى تخاطب احدى الطفلات وهى ميتو أو مريم
هدى : مالك ياحبيبتى .. قاعدة ساكتة ليه من الصبح مش بتلعبى مع
اصحابك مى وسوسو ليه .
ببراءة متناهية ميتو : زعلانة ياميس ..
بحنان شديد هدى : من ايه يا ميتو ..
ميتو :تامر اخويا بيقولى انتى سهنة وان مش بحب كدة
وهى مبتسمة هدى : وانتى عارفة يعنى ايه سهنة ؟
تهز رأسها بالنفى هدى : ما تزعليش .. انا هاقول تامر مش يقولك كدة تانى
ميتو : ميرسى خالص انت جميلة يا ميس
تنصرف ميتو راضية لتلعب مع اصحابها
وهدى تتابعها بالنظر
قطع
م/3 ن/ د
الحضانة
علا تتحدث الى حنين
علا : اروى زعلانة من زيزو عشان قالها ياسهنة وهى مش فاهمة
يعنى ايه سهنة ؟
حنين : تخيلى الموقف ؟وضاربة حتة بوز
تدخل عليهما منى
منى : صباح الخير
حنين وعلا : صباح الخير ..
منى : النهاردة يا ميس حنين انا هاخد ادهم وامير وزيزو ومعاهم بسنت
وسلمى والاء واعلمهم يلعبو بالصلصال
علا : هتستخدمو حوض الطين ؟
منى : طبعا .انا واخدة اشقى ستة فى الحضانة عشان اطلع منهم الطاقة
السلبية وانظم مجهودهم .
وهى تبتسم بشدة حنين : خلى بالك احسن هما اللى يطلعو منك الطاقة السلبية كلها
تضحك فاهمة الموقف
يدخل عمرو فى نفس اللحظة عمرو : صباح الخير يا ميسات
جميعا فى وقت واحد : صباح الخير
تخرج منى ولكن عمرو يلاحظها
وتلاحظ حنين نظرة عمرو المطولة اليها
حنين : ايه عجبتك ؟؟ جميلة مش كدة ؟
يهز رأسه عمرو : فعلا جميلة جدا
تضحك علا علا : جبته لنفسك يا ابيه .. حنين ! مش هاوصيكى ؟؟
عمرو : طيب يا سهنة
تنظر الى حنين نظرة متبادلة
قطع
م/ 4 ن/د
حجرة الالعاب
من تجهز حوض الصلصال
تقوم بافراغ بعض اكياس بودرة الصلصال
وتخرج لحظات
يدخل زيزو وادهم وامير فيرون ما كانت تجهز
يقررو ن المساعدة لكنهم لا يجدون اكياس
الصلصال ؟؟
يغيبون بعض الوقت ..ثم يعود كل منهم وهو
يكافح فى حمل كيس ثقيل ويفرغون الاكياس
ثم يخرجون من الحجرة .
تعود منى ومعها الدادة فاطمة التى تفرغ الماء
على البودرة لاعدادها للعمل .
قطع
م/ 5 ن/ د
الحضانة
عمرو يتحدث الى حنين
عمرو : بصى يا ستى .. انا اتفقت مع الشركة بتاعة السياحة اللى
بتتعامل مع المدرسة عندنا انهم ينظموا يوم للحضانة
حنين : وهيكون فين اليوم ده
عمرو : زى ما انتو تحبو .. المكان اللى يناسب الاولاد
فين اروى ؟؟
حنين : فى كلاس الرسم والتلوين مع هدى
عمرو : لسة زعلانة من اخوها ؟؟
بخفة حنين : سيبك من حركات العيال دى .. هى فاهمة الكلمة والا هوفاهمها
تدخل هدى بعد لحظات
هدى : صباح الخير يا مستر عمرو .. بقول لحضرتك يا ميس حنين
اروى رسمت صورة حلوة جدا .. ايه رأيك تشوفيها
وتريها الصورة التى تعجبها فتريها لعمرو
الذى يعجب جدا برسم ابنته
فتبادر حنين حنين : تصدق ممكن نعمل معرض لرسوم الاطفال وده هيشجعهم انهم
يقاطعها عمرو : صبرك بالله انت لسة فاتحة من شهر ونص امشى خطوة خطوة
تهز رأسها موافقة
وما أن ينهض عمرو لينصرف
تباغته بعد انصراف هدى حنين : انت يا استاذ .. عجبتك قوى الست منى ؟؟؟حلوة خالص
يبتسم لها مقدرا غيرتها عمرو : مش ممكن اعرف ظروفها متجوزة ولا لأ
تضحك بغيظ حنين : لأ مطلقة وعندها بنت .. تنفع ؟؟!
يضحك بصوت عال عمرو : هوه ده الكلام .. ممكن تكلميها عليا ..
تقذفه بعلبة المناديل الورقية
فيهرب من وجهها منصرفا الى الخارج
قطع
م/ 6 ن / د
حجرة الصلصال
منى تشرف على مجموعة المشاغبين
وهم يشكلون من الصلصال ما يحلو لهم وهى
توجههم بمهارة وبساطة .
زيزو منهمك فى تشكيل حصان
وادهم يشكل لا شىء مفهوم ,امير لديه مهارة
فى التعامل مع الصلصال .
بسنت وسلمى منهمكتان فى شىء غير واضح المعالم
الاء صنعت عدة قطع بنفس الشكل على هيئة اقراص
مستديرة .
قطع
م/ 7 ن/ د
حجرة الرسم
اروى منهمكة فى رسم لوحة جديدة
هدى توجه ميتو
سوسو مندمجة فى اغراق الورقة بجميع الالوان
الاء لديها احساس رائع بالالوان مثل اروى
فتتبادلان الالوان .
على المائدة المجاورة .هناك ميزو وتامى ومهند
يقومون بتلوين رسوم جاهزة
ينهض ميزو من مكانه متسللا خلف اروى ليرى ما
تفعله ..
تراه الاء فتضحك تلفت اروى لتجد ميزو خلفها
يراها اكتشفت وجوده فيضحك بطفولة ..
تشعر اروى بغيظ ..
تمثل عليه انها تريد اللعب معه .. وفى ثوان كانت
لونت وجهه بمشاركة ولاء .
لكن بشكل غير فنى . وكأنه خارج من حريق
تكتشف هدى الموقف .تصحبه الى الحمام
لتغسل له وجهه .
فتعود لا تجد اى من الاطفال
قطع
م/ 7 ن/ خ
حديقة الحضانة
شلة الفنانين الصغار سئمو من الرسم
فقررو الخروج الى الحديقة من تلقاء أنفسهم
تخرج هدى لتجدهم منتشرين يلعبون فى الحديقة
فتعود الى الداخل وتحضر المزيد من الالعاب
وتعود اليهم تشاركهم اللعب .
قطع
م/ 9 ن / د
المكتب فى الحضانة
حنين تتحدث الى شاب يطلب منها وظيفة
حنين : قلتلى اسمك هانى صح ؟ وخريج تربية موسيقية ؟
هانى : بالظبط حضرتك .
حنين : والله يا استاذ هانى هى فكرة كويسة .. بس ممكن نخليها تجربة
مثلا لمدة شهر ولو نجحت تبقى انت المسئول عنها على طول
هانى : اوكى موافق .. واوعدك انها هتنجح باذن الله
ويستأذن فى الانصراف
قطع
م/ 10 ن/ د
حجرة الصلصال
اثناء العمل يختلف زيزو مع ادهم
فيدفعه فيسقط فى حوض الطين ليغرق
بكامله فى الطين
تدركه منى وتخرجه وتوبخ زيزو
ترسل ادهم الى الدادة فاطمة لتغسله كله
ينتهز الاطفال الفرصة فيغرقون بعضهم بالطين
ويركضون خلف بعضهم .. يلطخ الطين كل مكان
واثناء عودة منى ينالها قذيفة طينية فى رأسها
يهرب الجميع الى الحدبقة .. حيث الشمس ساطعة
تتوجه منى الى الحديقة فلا تجدهم ..
تعود لتغسل وجهها ورأسها لتكتشف ان الطين
مخلوط بالاسمنت سريع التصلب الذى اضافه
الاشقياء الثلاثة كمساعدة منهم .
تخرج سريعا واثناء خروجها تلاحظ خمسة تماثيل
مختلفة الاحجام الصغيرة لا تتوقف
تغيب لحظات ثم تعود فقد اتضح انهم الخمسة
الهاربين قد اثرت الشمس بسرعة على الاسمنت
وخلال عودتهم بدأ الاسمنت يجف حتى اثقل الحركة
وتوقفو غير فاهمين اى شىء يحدث لهم
تستغيث بالجميع ليساعدها على نقل وفك التماثيل
قطع
م/ 11
الجميع منهمكين فى اذابةالاسمنت عن الاطفال
هدى ومنى وحنين والدادة .
علا تراقب الباقين .. ميزو مصر على المشاركة
اروى تضحك تامى مشغول فى شىء غريب
حيث يقوم بوضع اللاصق الملون على الجدران
معتقدا انه يزينها ..
سوسو تعاكس ميتو سوسو : انت سهنة ..بس
ميتو تغضب وتبكى
تدركها علا علا : مالك يا حبيبتى .. فيه ايه ؟؟
وهى تبكى ميتو : سوسو بتقولى يا سهنة .. انا مش سهنة ياميس
تربت على شعرها وتداعبها علا : سوسو بتهزر معاكى ..دى مش شتيمة
تنظر اليها بطفولة وتمط شفتيها ميتو : انتى سهنة ياميس
تنظر اليها فى تعجب ثم تبتسم لها
تخرج ميتو سعيدة
تخرج ميتو سعيدة
صوت ميتو فى الخارج تنادى اروى
ميتو : اروى .. اروى . انتى سهنة
صوت خبط ورزع خفيف فى الخارج
تنهض علا مسرعة
صوت علا علا : يا ولاد الذين ..
قطع
م/12
فى الطرقة خارج الكلاس
علا مصعوقة من المنظر
ميتو مربوطة الى احد المقاعد الصغيرة
ومقيدةوعلى فمها قطعة من اللاصق الملون
وعلى رأسها طرطور يلمع ..
ولا يوجد احد فى المكان .. لحظة حضور
حنين التى يصدمها المشهد الارهابى
فتنظر الى علا بلا كلام ..
تسرع علا الى تخليص ميتو وتهدئها
وتذهب حنين الى جمع الرعاع
قطع
م/13
قاعة الالعاب
الجميع حاضرون
والاطفال حاضرون جميعا بعد أن تم تنظيف
فريق النحت م الاسمنت وتبديل ملابسهم وتخليص
ميتو من الاسر ..
حنين ترأس الجلسة حنين : بصو يا حلوين انا عايزة اسمع منكو بصراحة كدة
مين قال كلمة سهنة لاخواته
لغط يعلو والاطفال كل واحد يشير الى الاخر
الاطفال : زيزو .. سلمى .. تامى .. ميزو .. اروى ..ادهم ..سوسو .
الاء .. امير
وكل واحد يشير الى من سمع منه الكلمة
الا سلمى لا تشير الى أحد وبعضهم يشير اليها
تفهم منى الموقف فنتظر الى حنين الى تشير
برأسها اليها فاهمة وتطلب منها التصرف
تطلب من الصمت من الاولاد منى : خلاص يا حبايبى اسمعونى .. الكلمة دى مش شتيمة
بس كلمة مش حلوة مش هنقولها لبعض تانى
موافقين ؟؟؟
يهزون رأسهم مقتنعين الاطفال : موافقين يا ميس .
وتبدأ هدى فى صرف الاطفال الى حجرة الطعام
تستبقى منى سلمى منى : تعالى يا سلمى .. عايزة اتكلم انا وانت زى الاصحاب
تتحرك الطفلة نحوها فى براءة
تقربها وتجلسها أمامها منى : انت يا حبيبتى سمعتى الكلمة دى فين ؟؟
وهى تعبث فى اصابعها سلمى : مامى دايما تقولى كدة .. انتى سهنة يا سلمى
تقربها منى اليها وتضمها فى حنان
منى : ما تزعليش انا هاطلب من مامى انها مش تقول على سلمى
سهنة .. ومامى بتحب سلمى ومش هتزعلها .. ايه رأيك
تبتسم ببراءة سعيدة سلمى : ماشى
تضحك منى بسعادة وتقبلها على خدها
ثم تنهض ممسكة يدها منى : يالا نلحق الغدا .. زمانهم خلصوا الاكل كله
تضع كفها الصغير فى كف منى وتنصرفان
اوت اوف فوكس
قطع
( نهاية الحلقة الثانية )
