/1 ن/ د
اللوكيشن / الحضانة هى اللوكيشن الدائم للعمل كله
مكتب الادارة
حنين تدخل من الباب وتتوجه الى المكتب
تطلب رقما على الموبايل
تنتظر الرد حنين : الو ايوة ياعمرو انت لسة عندك ؟عملت ايه فى
الاعلانات ..حلو طب علقتو الاعلان على ناصية الشارع؟
عمرو : ............................................................
فى توتر حنين : بسرعة ياعمرو الله يخليك مافيش وقت بكرة خلاص
الافتتاح .مش عايزة تأخير
عمرو : ............................................................
حنين : اه علا معايا هنا وهنقابل الميسات دلوقت . باى
تغلق الخط وتنهض نحو الباب
قبل ان تصل اليه تدخل علا
حنين : بنت حلال كنت طالعة اندهلك .فى كام واحة جات تعمل
الانترفيو ؟
علا : اللى برة تلاتة . لكن فيه اتنين اتصلوا وممكن ييجوا بعد شوية
حنين : طيب نقابلهم ونشوف مين اللى ينفع منهم . احنا عايزين
اتنين كويسين الاول لحد ما الشغل يكبر
علا : انا هاندهلهم واحدة واحدة
تخرج وتغلق ا لباب
قطع
م/2
المكتب من الداخل
علا تدخل معها اوراق المتقدمات للعمل
وتناولها الى حنين
ثم تجلس لتراجعاها معا
وهى تقرأ الاولى حنين : الاسم انتظام
تسكت قليلا وتمط شفتيها تعجبا
نظرة باسمة من علا
تكمل حنين حنين :السن 29 سنة انسة بكالوريوس اداب سبق لها العمل مدرسة
تلت سنين فى حضانة (..........) معاها شهادة خبرة
مكتوب انها متخصصة فى العلاج السلوكى للاطفال
علا : كويس دى ميزة ان احضانة تصحح سلوكيات الاطفال
طلب اخر حنين : منى ام لبنت 5 سنين كانت مدرسة حضانة سبع سنين
خريجة اعلام . مطلقة من سنة . مستعد للشغل طول النهار
علا : لو خبرة حقيقية ممكن نستفيد منها . واكيد محتاجة الشغل
وكمان ام يعنى تعرف تعامل الاطفال
وهى تقرأ الطلب الاخير حنين : الاخيرة اسمها هدى . معاها دبلوم سنها 25 سنة سنتين خبرة
مستعدة لظروف الشغل اى كانت
علا : انا شايفة ان منى وانشراح
حنين : انتظام اسمها كدة
علا : شايفة انهم انسب والا ايه رأيك ؟
تهز رأسها مفكرة حنين : نقابلهم ونشوف
قطع
م/ 3 ن/ خ
الحضانة من الخارج
عمال يركبون اللافتة الخارجية
مكتوب عليها
( حضانة ABC )
رعاية متفوقة للاطفال
من سن 6 اشهر الى 6 سنوات
نعمل بنظام الاستضافة اليومية
وارقام الهواتف
الشكل من الخارج راق ومشجع
قطع
م/ 4 ن/د
المكتب
فوتومونتاج
- تدخل من الباب انتظام
وهى فتاة وقورة تبدو عليها العنوسة
لكنها تتمتع بالناقة وشىء من الجمال
لكن تعبيرات وجهها صارمة وتتم اللقاء
منى سيدة انيقة بارعة الجمال وتبدو واثقة من
نفسها ومن خبراتها
هدى فتاة بشوش تملاء المكان حيويةتبدو ملامحها
اقرب الى الطفولة . تشع حيوية ومرح ---
نهاية المقابلات
تستند حنين الى المقعد وتسأل علا
حنين : ايه رأيك ؟
علا : التلاتة ممتازين ؟
حنين : محتارة .
علا : ممكن نبدأ بهدى ومنى شكلهم حلو وبشوش وده يطمن
الامهات . وبعد شوية تيجى انتظام لانها كشرة شوية وده ممكن يطفشهم من الاول
توافق حنين على هذه الفكرة
حنين : خلاص اخرجى اتفقى معاهم على مااخلص باقى الشغل
تتوجه الى الباب علا
قطع
م / 5
الحضانة
اليوم الاول
المكان جاهز لاستقبال الاطفال
حنين فى قمة النشاط وهى تدخل المكتب
من خلفها علا
حنين : متهيألى كدة كله تمام . ناقص بقى الاولاد
علا : شوية صبر بقى والشغل هيبتدى
لحظات قليلة وتدخل ابنتها اروى مسرعة
اروى : مامى .. مامى انا عايزة اروح الحضانة
حنين : وماله ياحبيبتى .. خلى بابى ييجى يدفع المصاريف
نظرة مكر من اروى
اروى : مش انتى مامى والحضانة بتاعتك .. المفروض ما
ادفعش مصاريف
حنين : ايوة انا صاحبة الحضانة .. بس الشغل شغل
تفكر قليلا اروى
بمكر اروى : طيب .. انا هاتصل بالحضانة التانية .. ممكن اخد خصم
50 فى المية ووجبة كومبو
تنظر لها حنين باستغراب
حنين : كومبو ؟ خمسين فى المية ؟ الحضانة التانية ؟
بمنتهى الثقة اروى : بالتأكيد . هما يتمنوا طبعا
بعصبية مضحكة حنين : ايه الثقة دى. امشى امش من قدامى
تنهض اروى بهدوء حين يدخل زيزو
مسرعا .
( اروى طفلة هادئة جدا وذكية جدا ودبلوماسية,
زيزو جميل جدا وذكى جدا لكن على عكس هدوء
اروى هو نشيط ومتحرك وصاخب لكنه لذيذ
وياللهول حين يتحد الاثنان لتحقيق هدف ما لهما)
فى اللحظة التى يدخل فيها مسرعا وهو ينادى
اخته زيزو : تعالى بسرعة ياأروى .
حنين مستفزة من اروى
صوت زيزو عالى وصاخب
ام تدخل من الباب فى نفس اللحظة
لتلحق طفلها بالحضانة ..
حنين تثور على اروى وزيزو
حنين : فيه ايه انت وهى جننتونى امشو اطلعوا بره
الام تراقب الموقف مندهشة
علا : اهلا .. اتفضلى تحت امرك
الام : مش هى دى الحضانة الجديدة برضه
تحاول حنين الابتسام حنين : اه ..اهلا ..طبعا اتفضلى تحت أمرك
تعبر عن الاستغراب الام : هوحضرتك كنت بتزعقى للاولاد ؟
حنين : اه زيزو وأروى ..احممم.. دول ولادى وكنا بنلعب
تهز رأسها الام : اه اسفة انا فهمت غلط
علا : حضرتك هنا افضل مكان الطفل ممكن يلا قى نفسه فيه
اتفضلى اديكىفكرة من خلال الجولة تخرجان معا للجولة
قطع
م / 6
حجرة الالعاب
بالطبع نجح زيزو وأروى فى التسلل الى وكر
الالعاب
وبالطبع تحول كل شىء الى فوضى عارمة
يلعبلان بكل الالعاب الموجودة وتتحول الحجرة
الى سيرك . وهما يتبادلان قصف اكياس المياه
الملونة .
فى اللحظة التى يفتح الباب وتتقدم الضيفة
لتتلقى قذيفة ملونة من الماء تغرقها .
فتصاب بهستيريا وتنصرف على الفور
تقترب علا لتدخل من الباب لتتلقى نصيبها
من الماء الملون .
قطع
م / 7
المكتب
تدخل علا على حنين التى لا تفهم شيئا
وعلا غارقة بماء ملون
حنين : ايه فيه ايه .. ايه اللى حصل . الست خارجة مبلولة
على برة ومنطقتش ولا كلمة .. اللى عمل فيكو كدة ؟
فى احباط علا : زيزو واروى اعلنو الحرب فى قاعة الالعاب
فى عصبية حنين : زيز.. زيزو اروى . العيال دول حطنى فى دماغهم
تتوجه الى الخارج لتلقينهم درسا
وهى تستشيط غضبا
قطع
م \ 8
حجرة الالعاب من الداخل
حنين فى قمة العصبية وهى تبحث عن زيزو
وأروى حنين : ولد يازيزو ..بنت ياأروى انتو فين ؟
لا أحد يجيب
تتلفت قليلا لتتأكد انهما ليسا هنا
تخرج بعصبية وهى تتوعدهما
حنين : طيب صبركو عليا يا كلاب
قطع
م/9
المكتب
تدخل حنين عصبية وهى تحدث نفسها
حنين : بس اما تقع ايدى عليكم ..
لحظات وتدخل عليها سيدة انيقة
السيدة : صباح الخير
تحاول أن تبدو هادئة حنين : صباح الخير يا فندم ..تحت أمرك
السيدة : الحقيقة عندى ولدين عايزة اقدملهم هنا
حنين : اوى اوى تحت أمرك .. هما فين
السيدة : لحظة واحدة هما فى العربية برة
تخرج السيدة لجلب الطفلين
ثم تعود بعد لحظات السيدة :ادخلو ياولاد
يدخل طفلين فى الرابعة توأمان ولدين
هما أدهم وأمير وعلامات الشقاوة بادية
عليهما .
تداعبهما حنين بلطف حنين : اهلا بالحلوين الله عسلين خالص اسمكو ايه
ينظران اليها شظرا وادهم يجيب أدهم : أنا أدهم .. وأخويا أمير ده
السيدة : احب الفت نظرك انهم اشقيا جدا .
قبل أن تنطق اى منهما يدخل عليهما
زيزو مرتديا مايوه اسود وزعانف فى
قدميه قناع الغطس فى رأسه
يتوقف قليلا ينظر الى من حوله بلا مبالاه
ثم ينصرف وهم ينظرون اليه بدهشة
تنتبه حنين حنين : دا زيزو ابنى ..اصله غاوى سباحة وغطس
تبتسم السيد ة وهى تخرج الاموال لتدفع
لحنين مصروفات الحضانة
وقد بدت السعادة على أدهم وامير
فقد وجدا شريك فى الشقاوة
انهت السيدة المعاملات وهمت بالخروج
السيدة : يا ولاد مش عايزة شقاوة خليكو كويسين
يالا باى
وتأتى علا لاصطحاب الطفلين
قطع
م/ 10 ن/د
الحضانة
مكتب حنين
انتهت حنين من توديع السيدة وعادت الى
مكتبها .. حين تدخل علا عليها
حنين : انت سبت الولاد وجيتى ؟
تهز رأسه نفيا علا : لأ طبعا .. هدى جت واستلمت الكلاس بتاعها
تبتسم فى اطمئنان
وفى الحال تصل سيدة أخرى الى المكتب
ومعها طفل فى الثانية من عمره
السيدة : صباح الخير
علا وحنين : صباح النور .. اهلا اهلا اتفضلى
تبدو السيدة متعجلة السيدة : ممكن اخد فكرة عن الحضانة ؟ عايزة ادخل اوشة
حضانة تكون بتقدم رعاية ممتازة
تبتسم فى ثقة حنين : وحضرتك اخترتى المكان المناسب
وهى تنهض السيدة : ممكن أخد جولة سريعة ؟
علا تتقدمها علا : اتفضلى معايا ..
وتخرجان من المكتب
قطع
م/ 11 ن/د
الحضانة
حجرة الالعاب
من الداخل .. اصوات مكتومة وجلبة خفبفة
تفتح علا الباب وتدخل وهى تنظر الى السيدة
وترحب بها علا : اتفضلى يا مدام .. عندنا حجرة العاب غيرتقليدية
تنظر السيدة وتتسع عيناها
السيدة : فعلا غير تقليدية . وغير طبيعية
لاتفهم علا الجملة لكنها تدور لتنظر خلفها
فتتسع عيناها من الذهول
التوأمان أدهم وأمير قد انقضا على زيزو وقيداه
الى النافذة .. ويقومان بتلوينه بملابسه
مستخدمين كل الالوان الموجودة
وميس هدى غائبة عن الوعى
تقف الاثنتان علا والسيدة لحظات فى
ذهول
تتسلل من خلفهما اروى وتنظر للمشهد
فى اعجاب
قطع
م / 12 ن/ د
فى المكتب
خرجت السيدة مذهولة بما رأت
حنين تقابلها بابتسامة حنين : اكيد حضرتك اطمنتى من اللى شفتيه
تنظر اليى حنين بعينان زائغتان
حين تدخل اروى مسرعة
اروى : مامى .. مامى .. زيزو بقى ملون
لا تفهم والسيدة لا زالت مسبهلة
حنين : بنتى اروى .. ماله اخوكى
تشير لها السيدة باشارات معناه انه
مربوط ويتم تلوينه
من قبل قزمان متشابهان ووضعه
غير طفولى بالمرة ..
حنين لازالت لا تفهم شيئا ..
حنين : هو فيه ايه مش فاهمة حاجة
اخيرا تنفجر السيدة ناطقة
السيدة : ابن حضرتك فيه اتنين هنود حمر مكتفينه وبيلونوه وتنصرف مسرعة وهى تحمل طفلها
حنين تنظر اليا حتى تختفى وهى مندهشة
حنين : هنود ..؟ وحمر؟!! الست دى مالها
وتدخل علا ممسكة بالتوأم وهدى ممسكة
بزيزو .. وهنا تفهم حنين الموقف
فتهز رأسها فاهمة
تعلق اروى بعصبية اروى : امال أنا كنت بقول ايه من الصبح ؟؟
تزوم حنين غاضبة ويفهم الجميع انه
ستنفجر فيهم
تترك علا الطفلين واروى تنسحب ببطء وزيزو
يستعد للانطلاق ..
تنفجر غاضبة حنين : الله يخرب بيوتكو هتجننونى .. انا هاربيكو من الاول
وتركض خلفهم ..
فيهرب الجميع فى كل الاتجاهات وهى خلفه
تصرخ بكلام غير مفهوم
ويخلو المكتب تماما
نهاية الحلقة الاولى
